Rydych yma : Hafan > Bro Ddyfi Hafan > Newyddion > Beth am helpu i greu ein cynllun gweithredu lleol!

Beth am helpu i greu ein cynllun gweithredu lleol!

1st Aug 2004

Beth am helpu i greu ein cynllun gweithredu lleol!

Mae gwaith Cymunedau'n Gyntaf ym Machynlleth, Cadfarch, Glantwymyn a Llanbrynmair wedi cyrraedd cyfnod newydd. Casglwyd llawer o awgrymiadau ynglyn â dyfodol Dyffryn Dyfi yn ystod yr ymgynghori fu â chymunedau. Diolch yn fawr i chi!

Yn yr un modd, mae llawer o bobl yr un ardal wedi cyfrannu eu syniadau yn ystod digwyddiadau a drefnwyd gan Fforwm y Gymuned Leol (sy'n rhan o waith y strategaeth gymunedol ym Mhowys).

Didolwyd yr holl syniadau yma yn ôl nifer o themâu, a rydym yn eu trawsnewid yn gynllun gweithredu drafft ar gyfer yr ardal. Golyga hyn benderfynu pa rai wnaiff wneud gwahaniaeth gwirioneddol, pwy fydd yn eu sylweddoli a pha mor fuan, yn ogystal â chanfod sut fath o weledigaeth a gynigir ganddynt oll.

Estynnir gwahoddiad i chi helpu i wneud hyn. Cychwynodd y gwaith yn ystod mis Gorffennaf a mae manylion cyfarfodydd mis Medi drosodd. Rhoir gwybod hefyd yn y cyfarfodydd beth sydd yn nrafft Strategaeth Gymunedol Powys, er mwyn deall sut y bydd yn cyd-fynd â'n dyheadau (neu ddim!).

Digwyddiadau Medi 2004: i greu ein cynllun gweithredu lleol Bro Ddyfi (ym Mhowys)

  • Nos Lun 6ed 7.30 Canolfan Gymdeithasol Llanbrynmair: Gweithgareddau yn y cymuned
  • Nos Lun 13eg 7.30 Canolfan Gofal, Machynlleth: Iechyd a Lles y Gymdeithas
  • Nos Lun 20ed 7.30 Canolfan Gymdeithasol Cwmllinau: Tai

Croeso i bawb!

Gwybodaeth bellach:

Andy Rowland, Trefnydd ecodyfi 01654 703965
Cyril Evans, Hwylusydd Cymunedau yn Gyntaf Bro Ddyfi 01654 700315

Top

Back to Main News Page