Rydych yma : Hafan > Bro Ddyfi Hafan > Newyddion > Cylchlythyr Gwanwyn 2003

Cylchlythyr Gwanwyn 2003

1st Apr 2003

Cylchlythyr Gwanwyn 2003

Mae Rhaglen Cymunedau'n Gyntaf Bro Ddyfi wedi symud ymlaen tipyn yn ystod chwarter cyntaf y flwyddyn.

Mae'r Hwylusydd, Cyril Evans, yn trefnu cyfarfodydd a digwyddiadau gyda rhai o'r grwpiau sydd wedi mynegi diddordeb wrth i'r broses o ymgynghori yn y Gymuned barhau i geisio darganfod gwybodaeth am anghenion, barn a diddordebau'r gymuned.

Mi fuasai Cyril yn falch iawn o gael y cyfle i wrando ar farn unrhyw un, ac i dderbyn awgrymiadau a syniadau ynglyn â dyfodol Bro Ddyfi, oherwydd am y tro cyntaf fwy na thebyg, y bobl sydd yn bwysig - chi fel unigolion sy'n cael cyfle go iawn i gael eich barn wedi ei glywed am ddyfodol y fro hardd hon.

Os hoffech dderbyn mwy o wybodaeth am Gymunedau'n Gyntaf mae croeso i chi alw am sgwrs fel unigolyn, neu os hoffech fel grwp neu fudiad gael cyflwyniad gan Cyril, mae croeso i chi gysylltu â'r swyddfa i drefnu hyn hefyd.

Mae swyddfa Cymunedau'n Gyntaf erbyn hyn wedi symud i gartref parhaol yn Nhy Bro Ddyfi, sef 'Canolfan Menter Cymunedol', adeilad sy'n gartref i nifer o fudiadau cymunedol.

Grwp lliwio

Ehangwyd grwp lliwio yn ddiweddar i dri ar ddeg o aelodau, gyda chynrychiolaeth ychwanegol i ddod o ardal Llanbrynmair yn y dyfodol agos. Fe fydd hyn yn ehangu'r profiad helaeth a'r sgiliau a gwybodaeth am yr ardal sydd eisoes yn bodoli o fewn y grwp.

Cymunedau yn Gyntaf Grwp lliwio
Aelodau'r Grwp lliwio (Chwith i'r de)

Cefn: Iona Sawtell (Cadeirydd), Stephen Tudor, Arfon Hughes, Andy Rowland a Nick Waller. Canol: Anwen Davies, Sioned Pughe, Nicola Dunkley a Cerys Humphreys. Blaen: Gwilym Fychan, Cyril Evans (Hwylusydd), ac Ann Williams. Dim yn y llun: Myra Francis a Hedd B. Williams.

Bydd y grwp a'r hwylusydd yn awr yn ystyried creu sawl 'Grwp Thema' ar y themâu a'r is - themâu /categorïau a ddynodwyd. Fe fydd maint a themâu'r grwpiau'n dibynnu ar y diddordeb a ddangosir.

Er gwybodaeth i'r sawl sydd yn newydd i'r rhestr bostio, nodir y prif themâu ar is - themâu isod:

Y prif benawdau neu themu yn canlyn y digwyddiadau cymunedol (Themâu Bro Ddyfi)

  • Yr Economi a Gwaith
  • Addysg a Hyfforddiant
  • Tai
  • Cefn Gwlad a'r Amgylchedd
  • Cludiant a Chyfathrebu
  • Iechyd a Lles
  • Gweithgareddau Yn Y Gymuned
  • Ansawdd Bywyd

Yr is- gategorïau/themu a ddynodwyd

Iaith a Diwylliant

Adloniant

Y Celfyddydau a Hamdden

Cludiant a chyfathrebu

Neuaddau Pentrefi

Cefn Gwlad a'r Amgylchedd

Ysgolion

Gofal Iechyd

Adeiladau, Llety a thai

Cyllid

Twristiaeth

Gwaith, Busnes a darparu gwasanaethau

Iaith, Diwylliant ac Addysg

Tirlun

Cyfathrebu Cyfreithiol a Chymdeithasol

Difyrrwch ac Adloniant

Cynaladwyedd

Ymwybyddiaeth o'r ardal

Chwaraeon a Gweithgareddau

Ieuenctid

Tai a Gwaith

Canolfan Technoleg Amgen

Henoed

Ansawdd bywyd

Ein bwriad yw ffurfio sawl 'Grwp Thema', felly mae'n amser da i roi gwybodaeth i ni os oes gennych ddiddordeb arbennig mewn unrhyw bwnc.

Os oes, cysylltwch a Cyril yn Ty Bro Ddyfi, 52 Heol Maengwyn, Machynlleth, Powys, SY20 8DT.
Rhif ffon: 01654 700315 E-Bost: cyril@powys.gov.uk.

Llyfr syniadau

Yn y dyfodol agos, fe fydd 'Llyfr Syniadau' dwyieithog ar gael i'r cyhoedd er mwyn annog sylw. Bydd y llyfr yma'n cynnwys pob awgrymiad a syniad sydd wedi dod i law hyd yn hyn, oddi wrthych chi, bobl Bro Ddyfi am yr hyn sydd ei angen i wella ar ansawdd bywyd, ac er mwyn sicrhau adfywhad cynaliadwy i'r ardal.

Fe fydd y llyfr yma ar gael mewn amryw o lefydd ym Mro Ddyfi, o fewn Powys, (llefydd a dyddiadau i'w penderfynu), a bydd yn cael ei ddiweddaru'n gyson, felly mae croeso i chi roi mwy o syniadau neu awgrymiadau i ni.

NID Cynllun Gweithredu yw hwn, ond yn naturiol fe fydd yn declyn defnyddiol iawn i helpu yr Hwylusydd a'r Grwp Lliwio i lunio Cynllun Gweithredu ar gyfer Bro Ddyfi.

Dyma EICH CYFLE CHI i fynegi EICH BARN CHI am EICH DYFODOL CHI.

Top

Back to Main News Page