Rydych yma : Hafan > Bro Ddyfi Hafan > Newyddion > ‘Diwrnod Ymwybyddiaeth a Gwybodaeth am Anabledd’ yn cael ei gynnal 14/11/08

‘Diwrnod Ymwybyddiaeth a Gwybodaeth am Anabledd’ yn cael ei gynnal 14/11/08

27th Oct 2008

Mae Cymunedau yn Gyntaf Bro Ddyfi yn cynnal ‘Diwrnod Ymwybyddiaeth a Gwybodaeth am Anabledd’ yng Nghanolfan Hamdden Bro Ddyfi, Machynlleth ar Ddydd Gwener Tachwedd 14eg.

 

Bydd hwn yn ddigwyddiad taro-mewn rhwng 11.30yb a 3.00yh, ac mi fydd lluniaeth ysgafn, bylbiau trydan ynni isel, plwgiau arbed ynni ‘PowerDown’, raffl gyda gwobrau da, a llawer mwy gyda’ cwbl YN RHAD AC AM DDIM.

 

Dywedodd Cyril Breeze Evans, Cydlynydd Cymunedau yn Gyntaf: “Bwriad y digwyddiad rhad ac am ddim yma yw darparu gwybodaeth ddefnyddiol a chyngor da, nid yn unig i bobl leol sydd yn dioddef gydag anabledd corfforol neu synhwyraidd eu hunain, ond hefyd i’w  teuluoedd a’i ffrindiau”.

 

Mae partneriaeth Cymunedau yn Gyntaf Bro Ddyfi yn ymwybodol iawn o’r angen i fynd i'r afael a dieithrio cymdeithasol o bob ffurf, gan gynnwys dieithrio cymdeithasol oherwydd anabledd, ac maen nhw wedi penderfyni cynnal y digwyddiad yma fel un ffordd bwysig o wneud hyn.

 

Bydd stondinau arddangos gyda grwpiau a sefydliadau lleol, Anabledd Powys, RNIB Cymru, RNID Cymru, a’r Bwrdd Iechyd Lleol, yn ogystal â gweithdai /grwpiau trafod. Bydd y rhain ar bynciau amrywiol perthnasol  gan gynnwys ‘Rhwystrau mewn ardaloedd gwledig i bobl anabl ynglÅ·n â gwaith, addysg, gwasanaethau, a gweithgareddau hamdden’. 

 

Aeth Cyril ymlaen i ddweud  “trwy godi ymwybyddiaeth am y llawer o sefydliadau lleol, rhanbarthol, a chenedlaethol, sydd yn cynnig cefnogaeth a chyngor,  gobaith y bartneriaeth yw y bydd hyn yn arwain at fwy o ddefnydd yn cael eu gwneud  o’r gwasanaethau yma nid yn unig gan bobl leol sy’n dioddef o anabledd corfforol neu synhwyraidd, ond hefyd eu teuluoedd, ac y gwneith hyn helpu i gynnal a gwella ansawdd eu bywyd”.

Os oes gan unrhyw grŵp lleol, sydd yn darparu gwasanaeth i bobl sydd yn dioddef o anabledd corfforol neu synhwyraidd, ddiddordeb mewn cael stondin arddangos yn y digwyddiad yma, a fyddech o gystal â chysylltu gyda swyddfa Cymunedau yn Gyntaf Bro Ddyfi.

Am ychwaneg o fanylion ynglÅ·n ag amserau a phynciau'r gweithdai/grwpiau trafod, mae croeso i chi gysylltu â Swyddfa Cymunedau yn Gyntaf Bro Ddyfi ar  01654 700315, neu e-bostiwch commfirst.broddyfi@powys.gov.uk

 

Back to Main News Page