Rydych yma : Hafan > Bro Ddyfi Hafan > Newyddion > Bore Coffi gyda AELODAETH AM DDIM i’ch Undeb Gredyd leol.

Bore Coffi gyda AELODAETH AM DDIM i’ch Undeb Gredyd leol.

17th Jun 2011

Bydd Cymunedau yn Gyntaf Bro Ddyfi yn cynnal bore coffi mewn partneriaeth â staff Undeb Gredyd Robert Owen ar y 22ain o Fehefin yn Swyddfa Cymunedau yn Gyntaf, Yr Hen Siop, Bryn y gog, Machynlleth lle bydd croeso i drigolion Bro Ddyfi ymuno gyda ni am lluniaeth ysgfan a sgwrs rhwng 11.00yb - 12.30yp.

Bydd cyfle i ddarganfod pa wasanaethau ariannol sydd ar gael trwy Undeb Credyd Robert Owen, sy’n cynnwys sicrhau cynilion, benthyciadau ar gyfer dechrau busnes, benthyciadau personol fforddiadwy a llawer mwy.

Sefydlwyd Undeb Credyd Robert Owen yn 1995 ac mae’n cynnig gwasanaethau i bawb sy'n gweithio neu yn byw yn Sir Drefaldwyn. Mae mannau casglu wedi’u lleoli nid yn unig yn y Drenewydd, ond hefyd yn Llanidloes, Machynlleth, Oldford a'r Trallwng. Mae aelodaeth yn agored i unrhyw un sy'n byw neu'n gweithio yn Sir Drefaldwyn.

Mae'r bartneriaeth rhwng Cymunedau yn Gyntaf a’r undeb gredyd wedi bod o fudd i lawer o bobl leol sydd naill ai yn edrych am ddewis moesegol i'r hyn a gynigir gan Fanciau’r Stryd Fawr, neu sy’n chwilio am gredyd fforddiadwy.

Bydd unrhywun a fydd yn galw i mewn am baned ar yr 22ain o Fehefin yn derbyn aelodaeth i’r undeb gredyd AM DDIM, yn arbed pris arferol o £5, yn ogystal â chopi o lyfryn arbed arian a chyngor ynni yn RHAD AC AM DDIM sydd yn cynnwys llawer o awgrymiadau ar sut i arbed £££££££ oddi ar eich biliau ynni.

Back to Main News Page