Rydych yma : Hafan > Oldford Hafan > Newyddion > CCB Partneriaeth Cymunedau yn Gyntaf Oldford

CCB Partneriaeth Cymunedau yn Gyntaf Oldford

25th Jan 2010

Cynhaliwyd cyfarfod cyffredinol blynyddol y Bartneriaeth ddydd Iau 17eg o Ragfyr 2009 yn Neuadd y Dref Y Trallwng.

                       

Daeth ychydig dros 50 o bobl i glywed y cyflwyniadau ar rai o lwyddiannau ac uchafbwyntiau’r Bartneriaeth yn ystod 2009 - yn eu mysg:

 

·          Diwrnod o Hwyl Y Trallwng 2009

·          Prosiect ‘Action Camp’ - Pwll Fferm Hafren

·          Dyddiau Tacluso Oldford

·          Grwpiau cymorth newydd yn y gymuned

·           A llawer mwy

Hefyd cafwyd cyflwyniad ar yr hyn sydd ar y gweill yn ystod 2010, megis lansio prosiect bancio amser Activ8, rhaglen ffitrwydd a ffordd iachus o fyw Pulse a Pulse 50+, y Grŵp Cymuned Weithgar, a mwy.

Estynnwyd croeso i aelodau newydd y Bartneriaeth, a phenodwyd swyddogion newydd. Etholwyd Richard Zimbler, aelod cymunedol yn Gadeirydd, Jack Peatroy yn Is-gadeirydd, Hazel Gifford yn Ysgrifenyddes, a Phil Roe yn Drysorydd.

Croesawyd pedwar aelod cymunedol newydd i’r Bartneriaeth yn ogystal â chynrychiolydd newydd ar ran Grŵp Sgowtiaid ‘First Clives Own’.

Yna daeth pawb at ei gilydd i fwynhau te prynhawn ac i gael sgwrs bleserus!

Dymuna’r Bartneriaeth ddiolch i bawb am gynorthwyo i wneud y diwrnod yn llwyddiant, ac i bawb am ddod ar y diwrnod.

Os hoffech gael mwy o wybodaeth, croeso i chi gysylltu â ni ar 01938 556648

 

Back to Main News Page